Гурван жилийн өмнө би Италид сурахаар ирэхдээ би бүх бичиг баримтаа бүрдүүлээд, шаардлагатай алхмуудаа бүгдийг нь хийчихсэн гэж бодсон.

Гэвч "Ингээд боллоо доо" гэж бодсон мөчөөс хойш жинхэнэ амьдралтайгаа нүүр тулж, олон сорилтуудтай нүүр тулах бүртээ өөрийгөө мэдээлэл, бэлтгэл маш дутуу байгааг мэдсэн юм.

Ингээд алдахдаа алдаад, онохдоо оноод туршлага хуримтлуулаад, түүнийгээ шинээр ирж байгаа оюутнууддаа зөвлөөд явж байтал яг ижилхэн нэг зүйл - жил бүр давтагдсаар байв.

Тэр нь агентлагаар ирсэн оюутнууд ихэвчлэн хамгийн чухал, суурь мэдээллээ ч бүрэн авч чадаагүй, өнчин ботго шиг энд тэнд төөрсөн байдалтай байгаа нь үнэхээр харамсалтай санагдсан юм.

Тэр мөчид би нэг зүйлийг маш тодорхой ойлгосон — ямар замаар ирсэн нь хамаагүй, жинхэнэ сорилт бол энд ирсний дараа эхэлдэг юм байна. Харин түүнийг даван туулах цорын ганц түлхүүр нь урьдчилаад өөрсдөө зөв мэдээллээ бүрэн дүүрэн судлаад, бэлтгэлтэй ирэх. Үүний тулд бид заавал хэн нэгэнд найдаж, хүлээж суулгүй, өөрсдөө бүх зүйлээ судалж, хайж, зохицуулж сурвал агентлагт төлөх байсан хэдэн арван сая төгрөгийг хэмнээд зогсохгүй, ирсэн хойноо элдэв сорилтод бүдрэхээргүй туршлагатай болчихно.

Иймээс л би, надад тэр үед хамгийн хэрэгтэй байсан “Италид сурах алхамчилсан заавартай онлайн сургалтаа" бүтээсэн. Агентлаг биш, хувийн зуучлал ч биш — яг л надтай адил Италид сурах юмсан гэсэн мөрөөдөл, зорилготой залууст ухаалгаар, зөв аргаар бүхнийг өөрсдөө хийхэд нь туслах цогц зааварчилгаа бүхий алхамчилсан газрын зураг.